बझाङ : खप्तडछान्ना गाउँपालिकामा पालिकास्तरीय तेस्रो राष्ट्रपति रनिङशिल्ड प्रतियोगिता सुरु भएको छ । राष्ट्रका लागि खेलकुद, स्वास्थ्यका लागि खेलकुद भन्ने मुल नाराका साथ आज तेस्रोे राष्ट्रपति रनिङ शिल्ड प्रतियोगिता उद्घाटन गरिएको हो ।
दुर्गामहालिङ माध्यमिक विद्यालय खप्तडछान्ना ४ चौकाका विद्यालय व्यवस्थापन समिती अध्यक्ष तथा पुर्व गाउँपालिका अध्यक्ष बर्क बहादुर रोकायाको अध्यक्षतामा सञ्चालन भएको कार्यक्रममा प्रमुख अतिथी गाउँपालिका अध्यक्ष उत्तम बहादुर रोकाया रहनुभएको थियो । कार्यक्रममा अतिथी गाउपालिका उपाध्यक्ष विष्णु थापा, ७ ओटै वडाका वडा अध्यक्षहरु, राजनितीक दलका प्रतिनिधि,समाजसेबी बुद्धिजिबी लगाएतको उपस्थिती रहेको थियो । प्रतियोगीतामा खप्तडछान्ना गाउँपालिका भित्रका ८ वटा माध्यामिक विद्यालय सहभागीता रहेको छ ।
आज पहिलो दिन छात्रछात्राको सर्टपुट, त्रिपल जम्प र लम्जम्प खेलहरु भएका छन् । जस अन्र्तगत सर्टपुट तर्फ छात्रमा लामातोला मावि प्रथम, खप्तड मावि कालुखेती दितृय र महेश्वरी मावि गडराय तृतिय भएको छ छात्रा तर्फ महेश्वरी मावि गडराय प्रथम, लामातोला मावि दितृय र कोटिखेत मावि बयाना तृतिय भएको छ । लम्जम्प तर्फ छात्रमा दुर्गामहालिङ मावि चौका प्रथम, महेश्वरी मावि गडराय दितृय र खप्तड मावि कालुखेती तृतिय भएको छ । छात्रा तर्फ भने महेश्वरी मावि गडराय प्रथम, दुर्गामहालिङ मावि चौका दितृय र खप्तड मावि कालुखेती तृतिय भएको छ ।
त्रिपल जम्प छात्र तर्फ भएको खेलमा लामातोला मावि प्रथम, कोटिखेत मावि बयाना दितृय र महेश्वरी मावि गडरायले तृतिय स्थान हाँसिल गरेको वडा नम्बर ४ का वडाध्यक्ष ईश्वर बहादुर रोकायाले जानकारी दिनुभयो । बाकी भलिबल, रिले दौड लगाएतका खेलहरु भोलीदेखि सञ्चालन हुने बताइएको छ । प्रतियोगीता दुर्गामहालिङ मावि चौकाको प्रागंणमा सञ्चालन भएको छ ।
